Website hman dan tlangpui thiam ang angin kan han dah a, a picture ho hi click hian a lian thei vek ani. Website a in register tawh te leh register tur zel te tana tangkai thei turin kan han siama, thil dangte in hriat belh duh anih chuan a Main page-a Shoutbox ah emaw admin@punemizo.com ah a sawi theih e.
Registration:
REGISTER:
Username/account la nei lo tan a in register-na link ani. Hemi a click hian Registration Form a rawn lang ang. (A hnuaia mi hi en rawh.)
LOGIN:
Hemi link hi chu Username/account siam tawh te tan website-a log in na tur link ani e.
Registration Form:
USERNAME:
Comment vel leh I thil Post te a I hming lang tur ani. Hemi hi account siam tawh hnuah a thlak theih loh. I username thlan kha midangin an lo register tawh chuan, a dang I thlan a ngai ang.
E-mail:
Hemi email address I dah ah hian I Password tur a rawn thleng ang. Fimkhur deuhvin I email address dah kha a dik nge dik lo REGISTER tih I click hmain confirm hram ang che. Minute 15 chhung-a email a rawn thlen loh chuan, admin@punemizo.com ah min lo hrilh dawn ania. Password hi login hmasak berah thlak a ngai ang.
Lost your password?
Hei hi I password i tihbo/theihnghilh palh taka hman tur ani. I click chuan I Account emaw Email address (In register nan I hman.) kha dah a ngai ang. Chuan i email address ah chuan password thar a rawn thleng mai ang.
Dashboard: 
I login apiangin hemi page hi a lang hmasa ber ang. Right now tih hi Website statistics vel en theihna ani. Hemi view hi Website Back-end an ti thin.
Visit site:
Hemi link hi a website Front-end a luhna ani.
Logout:
Website atanga logout na ani, hemi option hi a Backend ah eng page pawh hawng la, a awm reng ang.
Posts:
Add New Post khi a Post Title dahna tur ani. Chuan a hnuaia box lian deuh zawk ahkhian a thu ziah mai tur ani. Microsoft word nen a inang deuh a, a chunga Text format options vel khi a hman theih.
Save Draft tih hi thil ziah lai, save na ani. La ziah zawh kher loh pawh a hnuah vei lama Edit Post click hian a ziah zawm leh theih mai ani.
Submit for review click hian I Post chu website Editor ten an approve hnuah website ah a lang thei dawn ani. Tags leh Categories hi website main Page atanga zawl awlsam na tura dah ani deuh ber.
Profile: 
Admin Color Scheme hi nangma Backend rawng thlak na ani. A hnuaia information hi Username tih loh hi chu a thlak theih reng a, Nickname tih hi I post vela I Username ni lo hming dang I dah duh chuan Display name publicly as tih ah hian thlak mai tur ani.
Contact Info ah hian I email pawh i thlak thei reng a, chuan I Password pawh a hnuai atanga thlak tur ani. I Password set hi Strength Indicator a awm a, chu chu I Password hack a awl leh awl loh tehna ani.
I duh ang taka I Profile I thlak danglam hnuah Update Profile tih hi click theihnghilh lo la, chuti lo chuan I thil thlak zawng zawng a bo leh vek anga, tih that leh a ngai ang.
Website Main Page:
Login hi in User thar in Register na leh Account nei tawh te Login na ber ani. Site dangte hi chu hmun danga Mizo awmte website link dahna ani a, han click chuan Window thara in hawng thei tura siam ani. Categories hi chu Posts-a kan ziah tawh angin, thil kan post tawh te zawn awlsam na ani.
User Registration tih ang te khi a Post title chu ania, han click chuan hemi Post bik page hi a in hawng anga, a comment te nen a lang vek dawn ani.
One comment tih khi hemi Post-a Comment awm zat a intar a, chuan Leave a comment tih ah khian Account nei te chuan an login hnuah comment an dah thei ani.
Website hming MSUP Website tih khi eng page ah pawh a lang a, han click chuan HomePage ah a let leh mai ani. A ding lama TextBox awm khi Searchbar ani a, hemi website a Post leh thu hrim hrim a zawng chhuak vek a, a result a rawn tar chhuak thei ani.
A dinglam hnuaia Leave a reply tih hi Shoutbox atan bik ani, hetah hian user in register lo tan pawh comment a dah theih ani. Hemi hnuai leha Site Stats ah hian kan website siam tirh atanga mi tlawh tawh zat te, tuna user online leh nitin a tlawhtu zat te a tar lan theih ani. Hemi hi a rintlak ve na chu website hi Computer pakhat atangin vawi 10 vel pawh hawng mah ila, computer leh IP address pangai anih avangin vawi 1 visit ang bakin a chhiar lo ani.
