MSUP Website

MSUP Executive Meeting vawi hnih na chu 5th July khan Pu Vanlaltluanga te in, Spicer ah neih a ni. Thurel tlangpui te chu:

• MSUP 2010-11 Financial Budget pharh a ni a, pawm tlan a ni.
• Kan Financial Secretary Tv. Vanlaldika chuan Mizoram lama min liamsan tak avangin a aiah Tv. Lalawmpuia (Deccan) chu Fin. Secy. thar atan ruat a ni.
• Zamzo magazine chu Fresher Social huna release hman ngei tum a ni.
• Fresher Welcome buaipui tur Sub-Committee din a ni a, sub committee member te chu heng te hi an ni:
  • Lalnunfela (Convener)
  • K. Lalengliana (Ex-officio)
  • Jacob Vanlaltana Khiangte
  • Langkapliana
  • Danmawia
  • Lalruatkima
  • R.K. Vanlalrawna
  • Emily Lalrinzuali Chhangte
  • Mary Lalawmpuii
• Fresher Welcome hi rokholhna dang te a awm anih loh chuan 19th August ah neih tum a ni a, a hmun tur leh tul dang te chu sub-committee kutah dah a ni. Programme leh thil dang engpawh hemi ni atna bik idea tha tak nei chuan committee member te hnenah hian inhriattir theih ni se a lawmaawm hle ang.
• Membership fee khawn turin heng te hi ruat an ni:
  • Lalnunfela (Kondwa area)
  • Lalhmingliana Pachuau (Dhankawadi & Bibvewedi)
  • Ahnei-a & Maro-a (Camp area)
  • Lalawmpuia (Deccan area)
  • B.Vannunsanga & M.Lalremdika (Spicer Area)

# Zirlai Aw hi thla khatah vawi khat tihchhuah tawh tur a ni a. Thu chhuah tur (Article adt.) nei te chuan inthlahrung hauh lovin Editorial board te hnenah in report theih reng a ni. Tin, e-mail (zirlaiaw@gmail.com) ah englai pawhin a thawn theih reng bawk e.

# Zamzo Magazine a article emaw, thlalak emaw tarlan tur nei chuan a rang lamin Tv. Enga (Spicer area) emaw, Tv. Hmingtea emaw Tv. Cobtea (City area) hnenah emaw a rang lama thehluh tur a ni.

Semester thar tan a lo hun leh ta der mai a, Mizoram lam atang pawn Admission ti thar tur(lo awm thar tur) leh zir chhunzawm tur an lo chhukthla leh tan mek e(Awm tawh sa tan HUNTING SEASON lai a ni e). Hmel thar hmuh tur an awm nual mai, a nuam leh dawn khawp mai.

Vanduaithlak takin basketball semi final ah Kolkata kan hneh ta lo hlau mai. Sawi zui vak ngaihna pawh kan hre tawh bik lo. kan President chuan ,”Football ah champion lai kan hneh a, Basketball ah champion lai min hneh ve a ni mai e,” a ti chuai raih.. Kolkata hian Delhi vrs Chandigarh a chak zawk zawk nen final an khel ang.

E, taka, Basketball 3-points throw ah Tv. Saia’n final a lut e..

Zan lamah Chanmari Hall ah hun hlimawm tak hman tum a ni.

Vawiin (3rd June) khan Summer Sports 2010 ni hnih na chu khaw chhe tak hnuaiah hman leh a ni a; Babutlang basketball court ah mipa basketball khelh a ni.

Champion lai Pune chuan semi final kan lut a, Naktukah Semi final hi khelh tur a ni. Football Semi Final a kan khelhpui Kolkata nen kan intum ang.

Naktuk (4th June) hi a tawp ni tur a ni a, tlai lamah Prize distribution + music festival Chanmari Community hall ah neih tur a ni.

Thubelh: Summer Sports neih mekah hian duh aiin kan in tawiawm tha tawk lo em ni aw! Tv. Te-a (Pilson-a) chuan khaw dang nula chhe lo tak tak tam tak karah Pune Nula an awm ve mang lo chu, “Hrilh a hai duh ve deuh khawp mai; rualawh a na; mit tla lek lovin kan thlir doh doh reng ringawt mai a(h),” a ti.. Kan treasurer te kha! Khawnge in awm a???

Summer Sports 2010 chu vawiin (2nd June) ah tan a ni. Vawiin hian Mipa Football leh hmeichhe Volleyball khelh a ni a, kan tlangval te’n Football ah hian FINAL an lut a ni. Volleyball erawh khaw dang kan kian ta rih mai.

Tun maiah khan Semi final an khel zo chiah a, PUNE chuan KOLKATA chu 2-1 a hnehin Final an lut ta phawt mai le. Match hmasaberah Hyderabad nen intumin hun pangai a 1-1 a in draw hnu ah Penalty hmangin chak zawk zawn a ni a, Pune hi 3-0 in kan vannei ta zawk a ni.

2nd match ah Bangalore chu 2-0 in an hneh bawk a, chuan semi final ah kolkata chu 2-1 in..

Semi final lehlam zawkah tunah hian Organiser Chennai leh Shillong te an inkhel mek.

Han ti zel se, kan UPDATE chhawm zel dawn nia.

(Kan news hi a NEWS rem2 khawp mai. -ct)

UPDATE##. Final ah hian Chennai nen intumin 2-1 in thlengtu(?) Chennai hi kan hlahthlem ta a ni.

Heti hian Summer Sport 2010 ni khat na chu zawhfel a ni ta. Naktuk lamah Basketball khelh tur a ni.

Spicer lam chu nipui chawlh hmang turin an haw mek hlawm a, vawiin ni hian a tam zawk chu President Enga hovin an haw ve leh ang. Exam la zo lo thenkhat tlem te chauh anawm tawh rih dawn a ni.