BUNG – I
PAWL HMING
Pune-a Mizote kan inpumkhat theihna tur leh zirlaite hamthatna ngaihtuah turin he pawl hi din a ni a. A hming atan chuan Mizo Students’ Union, Pune (MSUP) tih a ni.
BUNG – II
PAWL THILTUM LEH DIN CHHAN
- Mizo hnam nun mawi leh dan (Custom, Culture & Value) te vawnghima chawisang (Promote) tur leh nun chhuahpuina lama infuih leh intanpuitawn.
- Pune-a kan kalchhan theuhte hlenchhuak ngei tura infuih leh intanpui tawn.
- Pune-a Mizo awmte inlungrualna leh inpumkhatna tura inpawlho leh a huhova intihhlimna chi hrang hrang buatsaih.
- Pawl member-te tanpui an ngaihna apianga tanpui.
- Mizo leh hnam dangte inkarah inkungkaihna tha siam leh a thalo apiang siam that.
- Hnamdangte Culture leh Custom-te zahthiam turte, mahni awmna Institution leh Hostel dan zawmte, khawlai nun leh chetdan mawi zawm thiam tura inzirtir leh infuih.
- Member mahni zirlaia tithate a theih anga chawimawi.
BUNG – III
MEMBER NIH CHUNGCHANG
Mizo zirlai kum14 leh a chunglamte chu member ni ngei tura beisei kan ni a, Membership fee pein member anih theih ang.
Membership fee pe te hming ziakna bu (Enrollment book) ah membership fee pe te hming ziah luh tur a ni.
BUNG – IV
INTHLAN DAN
Hruaitu (Office Bearer) turte chu inthlan hnuhnung ber atanga thla 13 ral hma ngeia inthlan thintur a ni a; tin, inthlan atanga thla khat ral hma ngeiin charge in hlan tur a ni.
OFFICE BEARER post hrang hrangte chu:-
a) President
b) Vice-President
c) General Secretary
d) Asst. Gen. Secretary
e) Treasurer
f) Finance Secretary
g) Games & Sports Secretary
h) Cultural Secretary
- Executive Committee-in Official Nominee atan mi 13 a ruat anga, heng bakah hian Floor atangin mi 3 nomination belh theih an ni ang.
- Nominee atang hian Secret Ballot-in post-by-post a inthlan thin a ni ang a; vote hmusang ber chu tlinga puan a ni ang. Vote inzat an awm chuan a inzatte atanga thlan leh tur ani ang.
- Member tupawh mahni zirna zo tur/Pune chhuahsan turte chu nomination-ah an tel lovang. Final Year Student zingah Pune a zirzawm leh tur an nih chuan nominee-ah telh theih an ni ang.
- O.B term hmang zo thei lo an awm chuan Executive Committee-in a tul dan angin aiawh tur a ruat/thlang thei ang.
- Inthlannaah MSUP member zawng zawng ten vote an nei thei ang.
- Member tupawh Office Bearer (OB) post ngai ah term hnih (2) aia rei chelh theih a ni lo.
BUNG – V
OFFICE BEARER-TE HNA CHANPUAL
PRESIDENT:
i) MSUP hruaitu lu ber a ni ang a. MSUP dinchhan leh thiltumte tihlawhtling turin engkimah bul tumtu a ni ang.
ii) Hruaitu dangte hnathawh leh hmalak a tul angin a enpuiin a kaihruai thin ang.
VICE-PRESIDENT:
iii) President awmloh leh remchan loh karah President mawhphurna engkim a la ang.
iv) Pesident thachhang dawltu ber a ni ang.
v) A tul dan a zirin President nen insiam remin hna an insem bawk ang.
GENERAL SECRETARY:
vi) MSUP meeting-in thuthlukna a siam apiang minute bu-ah dahin bawhzui ngai apiang a bawhzui ang a, thuthar awm apiang meeting hmasa berah a report thin ang.
vii) MSUP leh midang indartawnna thu-ah mawhphurtu a ni ang.
iii) A tul hun apiangah President nen inrawnin Committee a ko thin ang.
ASST. GEN. SECRETARY:
viii) General Secretary awm lohin General Secretary ai a awh thin ang.
ix) General Sectary nen insiamremin atul angin hna an insem thin ang.
TREASURER:
x) Sum neih zawng zawng Account-ah fel takin a vawng ang.
xi) Treasurer hian hman chawp atan Rs.3,000/-(Sangthum) aia tam lo kutah a kawl thei ang, Bank Signatories zinga pakhat a ni bawk ang.
xii) Finance Secretary nen thlatin Account Bu an enfel thin ang.
FINANCE SECRETARY:
Pawl sum reng reng a hnenah lut hmasain Account fel taka a dah hnuah (thla khat chhungin) Treasurer hnenah a dah lut thin ang.
Pawl sum hman tulna a awm apiangin Treasurer hnen atangin a la chhuak anga, Cash-Memo fel takin a vawng thin ang.
General Meeting-ah Financial Report a pe ang a, Executive Committee apiangin sum din hmun a report thin ang.
Bank Signatories zinga pakhat a ni ang.
Treasurer nen thla tin Account Bu an enfel thin ang.
GAMES & SPORTS SECRETARY:
Games & Sports lama sulsutu ber a ni ang.
Pune-a Mizo awmte tan Games and Sports lama hmasawnna kawng leh thiltih awmte a dap anga. Hemi kawnga a ruahmannate Executive Committee-ah a thlen thin ang.
Games and Sports lama Executive Committee thutlukna a bawhzui thin ang.
CULTURAL SECRETARY:
i) Cultural thilah sulsutu ber a ni ang.
ii) Mizo culture vawnhim, tihlar leh chawisanna kawngah hma a la ang. Chutiang kawnga a ruahmanna chu Executive Committee-ah a thlen ang a, Executive Committee thutluknate a bawh zui ang.
iii) Cultural bungrua enkawltu a ni ang.
BUNG-VI
RORELNA
GENERAL MEETING
Rorelna sangber chu General Meeting a ni ang.
Kum khatah vawikhat tal General Meeting hi neih tur a ni.
General Meeting ah hian rorel thei tur chuan Member zawng zawng zatve (1/2) aia tam an kal tur a ni. Thutlukna siam tur hian Member kal two-third (2/3) pawmpuina ani tur a ni.
EXECUTIVE COMMITTEE
i) Executive Committee hian pawl thiltum, dinchhan leh inkaihhruainate tihlawhtling turin tih takzetin hma a la ang.
ii) Executive Committee in tul atih chuan Sub-Committee, Incharge, Secretary-te etc. a siam thei ang.
iii) Executive Committee in atul dan a zirin General Meeting a ko thei ang.
iv) Executive Committee in Auditors pahnih (2) ruatin hruaitu hlui leh tharte charge inhlan hmain account an audit thin ang.
v) He dan bu a chuang lo pawl kalphung atana pawimawh leh hmalakna tur a awm a nih chuan Executive Committee in tul a tih angina a ngaihtuah thei ang.
vi) Executive Committee rorelnaah hian rorel turin Committee Member zahve (1/2) aia tam an ni tur a ni.
O.B MEETING
vii) Executive Committee Member-te a ruat thin ang.
viii) Executive Committee Member mahni term hmang zo theilo an awm chuan a tul dan a zirin aiawh tur a ruat thin ang. Committee Member ruat belh chungchangah pawh O.B committee chu thuneihtu a ni ang.
ix) O.B Committee in Senior Adviser tul a tih zat a ruat thin ang. Tin, Pune Mizo Christian Fellowship (PMCF) Chairman, Spicer Mizo Seminar (SMS) President leh Pune Mizo Welfare Association (PMWA) Chairman te chu Ex-Officio member atan a ruat thin ang.
x) Thil tul leh hmanhmawhthlakah Executive Committee aiawhin O.B Committee-in hma an la thei ang. Chutiang a awm chuan Executive Committee hmasa berah a report ang.
EMERGENCY MEETING
Thil hmanhmawhthlak a awm a, Executive Committee koh remchan loh/hman loh in Emergency Meeting hi koh thei a ni ang. Emergency Meeting a rorelte chu Executive Committee hmasa berah pawmpui turin Report pek thin tur a ni. Emergency Meeting ah chuan rorel thei chin Quorum a awm lovang.
BUNG VII
CHHIATNI/THATNI CHUNGCHANG
THATNI LAM
i) Member zingah dan anga nupui/pasal innei an awm chuan lawmpuinaah theitawpin a tawiawm ang. Tin, lawmpuina thilpek a pe thin ang.
ii) Member, mahni zirlai First Division chin chunglama passed chu chawimawina a pe thin ang a, Class 12 leh ahnuai lamte chu kumtin (annually) a pek thin tur a ni. College i.e Graduate leh a chunglam zawng chu degree an lak zawh hunah pek tur a ni. Zirlai tithate chawimawina hi Executive Committee in tha atih hunah a pe thin ang.
iii) Executive Committee-in mi chawimawi tlak ni a hriatte chu tha a tih angin chawimawina a hlan thin ang.
iv) Inneih, Passed leh chawimawina thilpek zat (Amount) hi Executive Committee in tha a tih angin a rel thin ang.
CHHIATNI CHUNGCHANG
i) Member tupawh Pune a an lo boral palh emaw, chhungten an boral san emaw anih chuan MSUP chu Welfare thachhangdawltu a ni ang. Chhungte tih hian Nu leh Pa, Nupui/Pasal, Pianpui Unau leh Fate a huam ang.
ii) Inralna tur chu Executive Committee/O.B-in tha leh awm an tih angin an rel thin ang.
iii) Dam lo kan/tanpuina chungchang ah chuan Executive Committee in a rel thin ang.
BUNG VIII
SUM LEH PAI/BUNGRUA
SUM LEH PAI
i) Pawl sum hi treasurer-in kuta a kawl theih chin Rs.3,000/- (Sangthum) bak chu bank-ah dah tur a ni.
ii) Bank atanga sum lakchhuah dawnin bank Signatories pahnih (2) ten hming an sign tur a ni.
iii) Sum pek chhuah chungchangah Executive Committee thuneihna a ni ang a, thil hmanhmawh bikah chuan OB-te thu a ni ang.
iv) Lohtheihlohna avanga sum puktir ngai an awm a nih chuan Executive Committee/O.B emaw thu lo chuan puk theih ani lo.
BUNGRUA
v) MSUP bungruate hi fel taka enkawl tur a ni.
vi) Cultural dress hi Cultural Secretary in a kawl ang.
vii) Sport bungruate hi Games and Sport Secretary in a kawl ang.
viii) Bungraw dang (others) kan neih apiangte lo kawl turin Executive Committee-in mi a ruat thin ang.
ix) Executive Committee-in bungrua enkawlna leh tihralna chungchangah thutawp a nei ang.
x) Bungrua hi hawh theih a ni ang a, hawh anih lain a chhia emaw a bo emaw anih chuan a hawhtuten mawh an phur ang.
BUNG IX
AMENDMENT
He pawl hming emaw Constitution emaw hi tihdanglam duhna a awm anih chuan tihdanglam duh chhan leh duhdan chiang taka ziakin Executive Committee-ah thlen theih a ni ang a. Executive Committee-in a ngaihtuah hnuah General Meeting-ah pharh a ni ang. Two-third (2/3) Majority vote hmangin Amend theih a ni ang.
BUNG X
DISSOLUTION
He pawl hian harsatna tawkin thiah hialte-a lo ngai a nih chuan General Meeting-ah two-third (2/3) Majority Vote hmangin thiah theih a ni ang.
BUNG XI
LOGO
Mizo Students’ Union, Pune (MSUP) LOGO atan a hnuai ami hi hman a ni.
