Welcome! MSUP hmingin chibai! Kan website hi a thar tir a, thil sawi duh emaw post duh in neih chuan admin@punemizo.com ah min lo mail dawn nia. Kan lawm e!
|
By Cobby_Cobster, on July 28th, 2010
Kum danga kan tih thîn angin MSUP member inchhiarna neih pah in Membership fee khawn a ni leh dawn a. Membership fee hi mi pakhat tan Rs. 100 a ni. Tin, hemi rual hian Fresher Welcome pual Rs. 100, leh MSUP annual Magazine “Zamzo” pualin Rs. 100 rawn khawn tel nghal tur a ni a. A vain Member pakhatin a pek tur hi Rs. 300 tihna a nih chu. Hei hi zirlai lo awm tawh sa te leh kal thar (Fresher) te inang tlang veka khawn tur a ni a, unau emaw, sum source khat ring, mi pathum chinah Rs. 100 in a hniam ang. Zirlai nilo, Fresher Welcome a tel tur te chuan Rs.100 thawh bawk tur a ni ang.
Fresher Welcome: Pune a Zirlai/hnathawk lo awm thar te pualin inunauna tha leh inpawhna tha kan neih theih nan hun hlimawm tak buatsaih a ni thîn a. Tun kumah pawh neih a ni leh dawn a, a hun tur hi August thla laihawl vel ruahman chin a ni. Fresher Welcome hunah hian zaithiam te leh talent nei tha tak tak te an inlan leh dawn a, tlaiah Zanriah tuihnai tak kilho nghal a ni ang..
Tunkum Fresher Welcome hmanna tur hi kan hmu tawh a, nakinah hruaituten programme adt. nen min la hriattir thuai turah ngai ta ila a tha ang.
Zamzo Magazine: Hei hi MSUP annual Magazine a ni a. Kumkhat chhunga kan hun hman hlimawm tak tak te hlimthla te leh ziakmi inphum ru te talent haichhuana tha tak a ni. Fresher Welcome ah ah hian Release hman beisei a ni.
Pune Mizo sports: Pune a mizo awmte pualin MSUP huaihawtin Pune Mizo Sports neih thîn a ni. Tun kumah pawh neih leh tum a ni a, a hun atan September thla vel khi ruahman chhin a ni.
Tin, Pune Mizo Sports bakah hian NESAP (North East Students’ Association, Pune) ah member kan nih ve angin North East Sports neih thin a ni a, a zawnin North East Sports ah hian Mizo te kum hnih chu Overall Champion kan ni ve ta.
Heng bakah hian hmalakna hrang hrang hmachhawp kan nei a. Historical tour te neih leh tum a ni. Member damlo an awmin kanna te neih a ni thîn a, chhiatnai/thatni ah Mizo takin kan in tawiawm zel thîn bawk.
By madawnga_23, on June 12th, 2010
Semester thar tan a lo hun leh ta der mai a, Mizoram lam atang pawn Admission ti thar tur(lo awm thar tur) leh zir chhunzawm tur an lo chhukthla leh tan mek e(Awm tawh sa tan HUNTING SEASON lai a ni e). Hmel thar hmuh tur an awm nual mai, a nuam leh dawn khawp mai.
By Cobby_Cobster, on June 4th, 2010
Vanduaithlak takin basketball semi final ah Kolkata kan hneh ta lo hlau mai. Sawi zui vak ngaihna pawh kan hre tawh bik lo. kan President chuan ,”Football ah champion lai kan hneh a, Basketball ah champion lai min hneh ve a ni mai e,” a ti chuai raih.. Kolkata hian Delhi vrs Chandigarh a chak zawk zawk nen final an khel ang.
E, taka, Basketball 3-points throw ah Tv. Saia’n final a lut e..
Zan lamah Chanmari Hall ah hun hlimawm tak hman tum a ni.
By Cobby_Cobster, on June 3rd, 2010
Vawiin (3rd June) khan Summer Sports 2010 ni hnih na chu khaw chhe tak hnuaiah hman leh a ni a; Babutlang basketball court ah mipa basketball khelh a ni.
Champion lai Pune chuan semi final kan lut a, Naktukah Semi final hi khelh tur a ni. Football Semi Final a kan khelhpui Kolkata nen kan intum ang.
Naktuk (4th June) hi a tawp ni tur a ni a, tlai lamah Prize distribution + music festival Chanmari Community hall ah neih tur a ni.
Thubelh: Summer Sports neih mekah hian duh aiin kan in tawiawm tha tawk lo em ni aw! Tv. Te-a (Pilson-a) chuan khaw dang nula chhe lo tak tak tam tak karah Pune Nula an awm ve mang lo chu, “Hrilh a hai duh ve deuh khawp mai; rualawh a na; mit tla lek lovin kan thlir doh doh reng ringawt mai a(h),” a ti.. Kan treasurer te kha! Khawnge in awm a???
By Cobby_Cobster, on June 2nd, 2010
Summer Sports 2010 chu vawiin (2nd June) ah tan a ni. Vawiin hian Mipa Football leh hmeichhe Volleyball khelh a ni a, kan tlangval te’n Football ah hian FINAL an lut a ni. Volleyball erawh khaw dang kan kian ta rih mai.
Tun maiah khan Semi final an khel zo chiah a, PUNE chuan KOLKATA chu 2-1 a hnehin Final an lut ta phawt mai le. Match hmasaberah Hyderabad nen intumin hun pangai a 1-1 a in draw hnu ah Penalty hmangin chak zawk zawn a ni a, Pune hi 3-0 in kan vannei ta zawk a ni.
2nd match ah Bangalore chu 2-0 in an hneh bawk a, chuan semi final ah kolkata chu 2-1 in..
Semi final lehlam zawkah tunah hian Organiser Chennai leh Shillong te an inkhel mek.
Han ti zel se, kan UPDATE chhawm zel dawn nia.
(Kan news hi a NEWS rem2 khawp mai. -ct)
UPDATE##. Final ah hian Chennai nen intumin 2-1 in thlengtu(?) Chennai hi kan hlahthlem ta a ni.
Heti hian Summer Sport 2010 ni khat na chu zawhfel a ni ta. Naktuk lamah Basketball khelh tur a ni.
By T@i@, on May 10th, 2010
Engin nge maw mi mawlh tehreng ni, ka rilruah lehkha zir lam reng reng a lang lo. Exam dawna thil dang tuipui daih hi a awl ve hrim hrim a, kan BA zir ve lai pawn ‘kasauti’ en peih ngai hlei lo kha exam dawnah meuh chuan mit khap nachang hre lek lovin kan thlir dauh dauh mai a lawm. Dawhkanah lehkhabu nen kan han inchhawp hnawk ve a, rilruah chuan kan chakai khawrh lai te a lo lang daih a, milem hmelchhe tak tak hi kan ziak kan ziak mai a ni. Kut hi a awm hle hle thei lo, eng emaw tal khawih tur hi a dap reng a, chu ai chuan rilru hi a la kal peng nasa zawk mah. Inbuatsaihna tha lo ta ngang chu exam hall-ah hian kan hawi kan hawi mai a ni. Question paper an rawn sem a, phur tawkin kan han en a, thiamloh hi a intlar thla dul zel mai a, exam ai chuan ek paiha inhlawh te a chakawm zawk rum rum thin.
Class 12 kan nih laia Pol. Science kan exam tluka har tih kha ka la nei lo, kha ai chuan Aishwarya Rai pawh bem thluk a awl zawk ta ve ang. Mahse kei aia thiam lo zawk te kha an lo awm leh zel a, tlemin thla kan han timuang ve ringawt a. Ka chhang zo ka chhuak chiah kha chu ‘Count of Monte Cristo’ thawnthua Edmun Dantes-a ‘Chateau d’If’ lung in atanga a chhuak ang vel kha ka ni ang ka ring. Exam chu huphurh viau zel mah ila pawl sawn ve duh chuan exam a ngai tlat zel si a, hei tunah pawh kan exam leh dawn chu a nia, eng nge maw ka an dawn le…
|
|
